الموضوع ده بقالي كتير عايز اتكلم عنه بس اللي استفزني اني أتكلم عنه هو تعليق جانبي في صندوق التعليق عالطاير وهو لشخص يسمي نفسه سيف الله المصري وهو يعتز جدا بمصريته وهو شيء جيد الانتماء للوطن وحبه ولكن السيء في الأمر هو انه نادي نفسه بخير أجناد الأرض…….
الثاني : طب وقف هنا شوية يا سيدي !
الأول : في ايه ياعم ؟
الثاني :وهو مين اللي قال اننا خير أجناد الأرض؟
الأول :يرد حازما الرسول اللي قال كدة ، انت مش من هنا ولا ايه؟
الثاني :وحضرتك معاك ما يثبت ان ده حديث صحيح؟
الأول :ياعم ده كل الناس بتقوله؟
الثاني :وهو ده يخليه يبقي حديث صحيح ؟
الأول :مش عارف!!!
الثاني :الحديث الصحيح هو اللي اتفق العلماء-أهل الحديث- علي صحته لتوافر عدد من الشروط ولو حضرتك دورت في كل الأحاديث الصحيحة مش هتلاقي هذا المقطع بتاع خير جنود الأرض
الأول :طب ممكن نلاقيه في الأحاديث الضعيفة؟
الثاني :ولا حتي الضعيفة .
الأول :يا سيدي انت متأكد؟!!!
الثاني :طب أنا هاراهنك -بدون نقود هاه- لو جبتلي مصدر بيقول ان المقطع ده صحيح من اي من كتب الحديث او حتي ان المقطع بتاع خير اجناد الأرض ده صحيح أو حتي حديث ضعيف وانا هاقبل بيه .
ده حوار بسيط يوضح حالتنا وهو ان كثير من الناس يتجرا بالقول علي النبي صلي الله عليه وسلم وبان ده حديث وهذا حديث وتيجي تكلمه يقولك هو كلام وحش تقوله لا يقولك خلاص
وهي دي مشكلتنا ان الاحاديث هي اقوال النبي صلي الله عليه وسلم ولا يجوز ان تقول علي لسانه الا ما علمنا أنه قاله
يعني تلاقي الواحد قاعد يتكلم عن الحلال والحرام ويقول الحديث المشتهر “الحلال بين والحرام بين …وبينهما أمور متشابهات” نروح جايين نقوله يا سيدي الحديث يقول “مشتبهات” وليس” متشابهات ” يقولك وهي تفرق تروح قايله ايوة تفرق انك انت تقول ان الحلال ولاحرام شبه بعض وان الحديث يقول ان في بعض الأشياء تشتبه عليك هل هي حرام أم هي حلال
وعلي تلك الشاكلة تجد الكثير من الأمور
لذلك رجاء لاتذكر حديثا الا بمرجع صحيح ومع ذكر درجته واسناده
Filed under: فكر, مفاهيم مغلوطة, مواعظ و رقائق, بالعقل كده, تربية و سلوك, شعائر و شرائع | 7 Comments »